SEKOLAH TINGGI AGAMA ISLAM PERSIS (STAIPI)

Oleh : Hamdan

Maot ngarupikeun urusan anu pinasti bakal karandapan, sakumaha Alloh SWT ngadawuh :

وَاللهُ خَلَقَكُمْ ثُمَّ يَتَوَفَّاكُمْ وَمِنكُم مَّن يُّرَدُّ إِلَى أَرْذَلِ الْعُمُرِ لِكَىْ لاَيَعْلَمَ بَعْدَ عِلْمٍ شَيْئًا إِنَّ اللهَ عَلِيمٌ قَدِيرٌ {النحل : 70}

Alloh anu parantos ngayugakeun maraneh lajeng anjeunna anu bakal ngamaotkeun maraneh. Sarta ti antara maraneh aya anu dibalikkeun kana umur anu goreng (pikun) supaya manehna henteu nyahoeun saeutik oge saba’da manehna nyaho. Saestuna Alloh maha uninga, maha kawasa
Q.s. An-Nahl : 70




كُلُّ نَفْسٍ ذَآئِقَةُ الْمَوْتِ وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ {الانبياء : 35}

Saban-saban jiwa baris ngarandapan maot. Kami baris maparin cocoba ka maraneh ku kasusah jeung kabungah minangka ujian ; jeung nya ka Kami maraneh baris dipulangkeun. Q.s. Al-Anbiya : 35
Urusan waktu oge tempat maot kalebet rusiah Alloh SWT, jalma teu aya nu uninga kana urusan eta. Alloh SWT ngadawuh :

إِنَّ اللهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَافِي اْلأَرْحَامِ وَمَاتَدْرِي نَفْسٌ مَّاذَا تَكْسِبُ غَدًا وَمَاتَدْرِي نَفْسٌ بِأَيِّ أَرْضٍ تَمُوتُ إِنَّ اللهَ عَلِيمٌ خَبِيرٌ {لقمان : 34}

Saestuna Alloh, nya di Anjeunna ayana pangaweruh perkara kiamat, jeung Anjeunna nu nurunkeun hujan, sarta Anjeunna nu uninga kana eusi kandungan, jeung henteu aya saurang oge nu nyaho naon anu bakal diusahakeun ku manehna isukan, jeung henteu aya saurang oge anu nyaho bakal di tanah mana manehna paeh, saestuna Alloh teh maha uninga, maha tingali. Q.s. Luqman : 34

Oge Rosululloh SAW parantos ngadawuh :

عَنْ مَطَرِ بْنِ عُكَامِسٍ قَالَ : قَالَ رَسُوْلُ اللهِ  : إِذَا قَضَى اللهُ مِيْتَةَ عَبْدٍ بِأَرْضٍ، جَعَلَ لَهُ إِلَيْهَا حَاجَةً (أحمد، مسند أحمد : 22332)

Katampi ti Mathor bin Ukamis, anjeunna sasauran : Rosululloh SAW ngadawuh : “Upama Alloh parantos netepkeun maotna hiji jalma di hiji tempat, anjeunna bakal ngajadikeun pikeun eta jalma aya kaperluan ka eta tempat” H.r. Ahmad, Musnad Ahmad no : 22332

Kumargi kitu midamel kasaean teu kenging di engke-engke, boh bilih sateuacan dilakukeun maot kabujeng datang, sakumaha diuningakeun dina sababaraha katerangan :

وَأَنفِقُوا مِن مَّارَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلآ أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ، وَلَن يُؤَخِّرَ اللهُ نَفْسًا إِذَا جَآءَ أَجَلُهَا وَاللهُ خَبِيرٌ بِمَا تَعْمَلُونَ {المنافقون : 10-11}

Jeung geura dermakeun tina saniskara anu ku Kami dikurniakeun ka maraneh samemeh tumiba maot ka salah saurang ti antara maraneh anu tuluy nyarita : “Naha atuh Gusti henteu ngundurkeun maot abdi sakedap mah ; supados abdi tiasa sidekah heula sareng supados abdi jadi ti antawis jalmi-jalmi anu saroleh”. Padahal Alloh moal ngundurkeun (maotna) hiji jiwa upama geus tepi kana ajalna, jeung Alloh uninga kana saniskara anu ku maraneh diamalkeun. Q.s. Al-Munafiqun : 10-11

عَنْ أَبِي الدَّرْدَاءِ قَالَ : ذَكَرْنَا عِنْدَ رَسُوْلِ اللهِ  الزِّياَدَةَ فِي الْعُمُرِ، فَقَالَ :إِنَّ اللهَ لاَ يُؤَخِّرُ نَفْسًا إِذَا جَاءَ أَجَلُهَا، وَإِنَّمَا الزِّياَدَةُ فِي الْعُمُرِ أَنْ يَرْزُقَ اللهُ الْعَبْدَ ذُرِّيَّةً صَالِحَةً يَدْعُوْنَ لَهُ فَيَلْحَقُهُ دُعَاؤُهُمْ فِي قَبْرِهِ.
(ابن أبي حاتم، تفسير ابن كثير 2 : 573، 3 : 550، 4 : 373)

Katampi ti Abu Darda, anjeunna sasauran : Abdi sadaya nuju nyawalakeun leresan tambih umur payuneun Rosululloh SAW, lajeng anjeunna ngadawuh : “Saestuna Alloh moal ngundurkeun waktu maotna hiji jiwa upama parantos dugi ajalna. Tayalian nu disebut tambah umur mah Alloh maparin ka hiji hamba turunan saroleh anu baris ngadu’akeunana. Du’a eta turunan bakal dugi ka manehna nu aya di alam kubur”.
H.r. Ibnu Abi Hatim, Tafsir Ibnu Katsir II : 573, III : 550, IV : 373

عَنِ ابْنِ عَبَّاسٍ قَالَ : قَالَ رَسُوْلُ اللهِ  لِرَجُلٍ وَهُوَ يَعِظُهُ : اِغْتَنِمْ خَمْسًا قَبْلَ خَمْسٍ : شَبَابَكَ قَبْلَ هَرَمِكَ، وَصِحَّتَكَ قَبْلَ سَقَمٍكَ، وَغِنَاكَ قَبْلَ فَقْرِكَ، وَفَرَاغَكَ قَبْلَ شُغْلِكَ، وَحَيَاتَكَ قَبْلَ مَوْتِكَ (الحاكم، المستدرك 5 : 227 رقم 8010)

Katampi ti Ibnu Abbas, anjeunna sasauran : Rosululloh SAW ngadawuh ka hiji jalmi bari nganasehatanana : “Gunakeun ku anjeun 5 perkara sememeh 5 perkara ; ngora anjeun sememeh kolot, sehat anjeun samemeh gering, beunghar anjeun sememeh sangsara, nyalse anjeun sememeh riweuh, sarta hirup anjeun sememeh maot”. H.r. Al-Hakim, Al-Mustadrok V : 227 no : 8010